「黄色经济圈」嘅哲学係咪攞尽着数？最近佢哋围内兴起一股撑《苹果日报》潮，有个教日文嘅「黄师」柳广福就谂到点样搵着数，叫学生众筹一万蚊畀佢喺《苹果》落广告，更声称此举令大家用金钱「支持《苹果》」嘅同时又可以赞助佢落一个较有宣传效果嘅广告。咁缩骨嘅招数都谂到，有人就将佢摆上网公审，一班「黄丝」亦闹佢「咁核特（突）都做得出」，并质疑「帮佢出钱卖完广告係咪佢上堂赚嘅学费我有份袋？」
嘲求资助乞食 自己就计到尽
日前有个「黄丝」喺「连登」帮朋友以「教日文嘅柳先生想喺苹果落广告，但係想学生出钱」为题开post，暗讥柳广福为人无品，想食血馒喺《苹果》落广告之馀又唔肯自己落本。
同时，楼主亦公开相关WhatsApp截图，当中有疑似柳广福本人发嘅讯息，内容表明佢自己唔多认同及锺意《苹果》，话睇唔顺眼《苹果》嘅报道手法同老闆言论，但係为咗要向「黄丝」表态，所以想喺《苹果》度落个广告。
然而，呢位柳广福野心好大，佢嫌《苹果》星期六个「连侬牆」太细唔想买，反而想登个四分之一版面广告，但要成万蚊。佢坦言自己唔想出咁多钱，「打算最多给4,000元」，然后问学生有冇兴趣参与「支持《苹果》＋赞助先生登广告」计划，要学生众筹一万蚊畀佢，「一到10,000，我就会停止收取金钱」。同时，广告字句同图画方面佢完全无谂过落班学生名，只想为佢自己间日文学校宣传，真係计到尽。
开post嘅楼主都直接闹佢，「自己想拎光环，但又唔想畀钱付出......明明之前讲到好唔锺意《苹果》，但係借黄去卖广告，只係想赚『黄圈』啲钱」，跟手仲踢爆佢口径不一、自相矛盾，「最好笑係之前Mr.Wally（日本艺人）叫人资助嘅时候，佢×得好大声话人哋乞食，去埋人哋个page留晒言咁，直情觉得自己係正义嘅『黄丝』。但唔知点解今次又觉得自己叫人资助就冇问题喎。」
做人做到柳广福咁，又真係抵闹嘅，一众网民都疯狂围插佢。「旅行安家必备良药」话︰「钱就学生出大份，名就佢出晒。」「关键词」亦狠批︰「咁核特（突）都做得出，咁×有心直接低调『课金』畀《苹果》啦！」「玻璃心就咪stalk」质疑︰「帮佢出钱卖完广告係咪佢上堂赚嘅学费我有份袋？」「naturallife」就计计吓数发现唔对路，「广告10,000，自己话出4,000，但众筹又筹到10,000先停，10,000-4,000=10,000？」文章来源：新锦江娱乐：www.xjj6789.com
