「黄店」又再扼杀「黄丝」嘅言论自由。「渣哥一九九六」上星期学人搞「公投」话要决定新舖位置，点知无啦啦加插咗董事投票佔五成嘅环节，最终逆民意喺最少网民投票嘅地区开舖，结果当然俾网民炮轰内定结果扮民主。不过，「渣哥」竟然删晒所有负面留言，最终连投票个post都删埋，令到一众被灭声嘅「黄丝」发起罢食行动。呢铺「渣哥」真係阿茂整饼，冇嗰样整嗰样嘞。
前几日「渣哥」发帖卖小强，讲铜锣湾总店要关门嘅消息，仲搞「公投」叫网民决定新舖开喺荃湾、沙田定铜锣湾喎，扮晒民主咁同网民互动，结果就濑晒嘢。「渣哥」其后公布结果，沙田同荃湾各有1.5万票，而铜锣湾只有5,000票，但由于「公投」只佔决定嘅50%，故喺班董事嘅「加持」下，新舖将开喺最少网民支持嘅铜锣湾。
内定造假 删帖封人 劳烦关公
眼见大热倒灶，大批「黄丝」网民炮轰「渣哥」为咗宣传扮搞「公投」，实质只係有内定结果嘅假民主。面对呢场公关灾难，「渣哥」一开始以为删除负面留言就可以灭火，点知反而将「黄丝」嘅怒火愈拨愈盛，烧到成个facebook同「连登」都係，最终唯有删晒所有关于开新舖嘅post，发篇道歉声明了事。「渣哥」噚日仲不断发帖话买咗《苹果日报》同点样支持《苹果》，企图强调「黄店」身份并转移视线，但就好似冇咩作用。
「Rob Bie Shing」就喺fb发帖表示不满：「假民主，小圈子选择，我只係留左（咗）话佢︰假民主，嘥气，一句粗口都无讲过，就要block（封锁）埋我？枉一班街坊帮佢拉票，洗板（版）。」「连登」网民「皮宝宝」慨叹：「惊讶ge（嘅）係经过左（咗）呢一年半一间黄店会众目睽睽下假民主，加上佢d（啲）支持者係（喺）个新道歉post ge（嘅）留言令我真心觉得惊讶同失望多过嬲。」「废中王」亦话：「而（??）家淨（剩）返既（嘅）留言只係渣哥筛选完del（删）完block（封锁）完淨返的支持post，唔闹佢的先有资格留低。」
「数码子」就话：「真心讲私人公司想点开咪点开，好哋哋又搞个投票出嚟，之后又拣个完全相反嘅（结果。）错就唔係话错，不过肉酸囉。」
事实上，呢间由前港姐谭小环夫妇开嘅「渣哥」，2018年底曾被「黄媒」「毛记葵涌」购入49%已发行股本，去年亦曾多告急呼吁「黄丝」帮衬。「ohmyholy」就问︰「乜做传媒唔係见惯公关灾难咩？点解会搞坛咁嘅嘢？」「踏南天碎凌宵（霄）」就发起罢食：「人渣哥赚钱赚到开分店，黄小店无生意到执笠，大家识拣啦！」
事实上，「渣哥」霸道独裁都唔係第一次，「张萎缩」就不满「渣哥」要客人出示身份证先可以入座嘅规定：「去咗渣哥page问，俾人block埋，又係咩玩法？」文章来源：新锦江娱乐：www.xjj6789.com
